Sunday, October 28, 2007

ഈസ്റ്റര്‍ --- സിജു .കെ.ഡി.

ന്നുകാലി ചന്തയും അറവുശാലയും പിന്നിട്ട് അഭിസാരികകളുടെ തെരുവിലേക്കു കടക്കുമ്പോള്‍ മുമ്പെന്നൊ തന്നെ തേടി വന്ന മഗ്നലനമറിയയുടെ മാനസാന്തരത്തെക്കുറിച്ചായിരുന്നു യേശു ചിന്തിച്ചിരുന്നത്.
പക്ഷെ..
അഞ്ചാം നിലയിലെ മറിയത്തിന്റെ മുറിയിലെത്തിയപ്പോള്‍ ,എയര്‍കണ്ടീഷണറിന്റെ മുരല്‍ച്ചക്കൊപ്പം മറിയയുടെ നഗ്നതയും അവനെ ഭയപ്പെടുത്തി.
മറിയത്തിന്റെ ഗര്‍ഭപാത്രത്തില്‍ നിന്നിറ്റുവീണ കണ്ണുനീരില്‍ കൈകഴുകി കോട്ടെടുത്തു ധരിക്കുമ്പോള്‍ പിലാത്തോസ് പറഞത് അവന്‍ വ്യക്തമായി കേട്ടു-“ ഈ രക്തത്തില്‍ എനിക്കു പങ്കില്ല”
തന്റെ മുഷിഞ്ഞ ഭാണ്ഡത്തിലെ വീഞ്ഞു ഭരണി തുറന്നപ്പോള്‍ അവന്‍ കണ്ടു-വീഞ്ഞു മുഴുവന്‍ വെള്ളമായിരിക്കുന്നു.....

No comments: